ULTRAMER DN-15 issiq va sovuq suv ultratovushli hisoblagichi

ULTRAMER DN-15 hisoblagichlari suv va issiqlik ta'minoti tizimlarining to'ldirilgan quvurlarida ishlatiladi. Hisoblagichlar texnologik maqsadlarda va tijorat hisobi uchun ishlatilishi mumkin. Hisoblagichlar iqlim ta'siriga chidamliligi bo'yicha GOST 12997 ga muvofiq C3 ijro guruhiga kiradi va atrof-muhit harorati minus 10 °С dan plyus 50 °С gacha va 35 °С da nisbiy namlik 95 % dan oshmaydigan sharoitda ishlashga mo'ljallangan.

Hisoblagichlarning ishlash tamoyili ultratovush signalining suyuqlik oqimi bo'ylab va oqimga qarshi o'tish vaqtini o'lchashga asoslangan. Bunda yuzaga keladigan va suyuqlik tezligiga proportsional bo'lgan o'tish vaqtlari farqi o'rnatilgan mikroprotsessor qurilmasi tomonidan o'lchanadigan sarf yoki hajmga aylantiriladi va raqamli indikatorda ko'rsatiladi.

Konstruktiv jihatdan, hisoblagich zanglamaydigan po'latdan yasalgan korpusdagi ultratovushli sensorlarga ega latun oqim qismidan, elektron plata va quvvat elementidan iborat. Hisoblagich indikatori umumiy sarf, lahzali oqim, ishlash vaqti, test va xizmat ma'lumotlari bo'yicha joriy ma'lumotlarni ko'rsatadigan segmentli displeydan iborat.

«ULTRAMER» hisoblagichlari tashqi elektr ta'minotini talab qilmaydi. Hisoblagichlar ishlab chiqaruvchi korxona tomonidan ishlab chiqarilgan kundan boshlab kamida 10 yil xizmat qilish muddatiga ega bo'lgan o'rnatilgan quvvat elementlaridan quvvatlanadi.

Hisoblagichlar ma'lumotlarni simsiz uzatish uchun ixtiyoriy radiomodulga (LoraWan) va tashqi asboblar yoki uskunalarga (GSM modem, kompyuter, kontroller, issiqlik hisoblagichi) ulanish uchun tashqi interfeysga ega. Hisoblagichlarni avtomatlashtirilgan ma'lumotlarni yig'ish tashqi tizimlariga ulash uchun hisoblagichlarda MODBUS kommunikatsiya protokoli amalga oshirilgan.

Mahsulotning texnik xususiyatlari:

• minimal Qmin, m3/soat — 0.016
• nominal Qn, m3/soat — 2.5
• maksimal Qmax, m3/soat — 3.12
• Hisoblagich turi: Universal
• Ulanish: Rezbali
• Hisobga olish usuli: Ultratovushli
• Diametri: 15 mm.

Mahsulot to'plami:

1. ULTRAMER DN-15 suv hisoblagichi;
2. Montaj qismlari;
3. Qistirmalar (prokladkalar);
4. Pasport;
5. Texnik tavsif va foydalanish bo'yicha qo'llanma;
6. O'zDaststandart sertifikati;
7. Quti.